 |
| Ist |
Nyekar Mbah Rijan Yatinem
1.
Mijil
Siji April Slawe titi wanci,
Dinten Selasa Pon,
Mbah Rijan Yatinem wus sumere,
Adit Bimo Dito sung pepuji,
Purwadi lan Sari,
Minangka panuntun.
2.
Megatruh
Mbah Yatinem Yuswa seket telu kundur,
Tanggal siji Januari,
Rong ewu siji pinuju,
Rejoso Nganjuk puniki,
Desa Mojorembun Grogol.
3.
Pangkur
Sasi Agustus pitulas,
Warsa slikur Mbah Rijan anusuli,
Yuswa pitu sanga tahun,
Amomong putra wayah,
Katog ketug nggulawenthah tatag tutug,
Amarsudi kautaman,
Darma bakti mring negari.
4.
Pucung
Anak putu kareben bisane maju,
Anempuh sekolah,
Dimen tatas titis wasis,
Pamulangan dadya dhasar panguripan.
5.
Gambuh
Tanggon tangguh ginayuh,
Mbah Yatinem Rijan paring tuduh,
Wosing gati siyang ratri nyambut kardi,
Gawa gawe barang kawruh,
Kadamel kanthi kelakon.
1 April 2025,
Purwadi, Sari, Aditya, Bimo, Anindito.
